گلوکارہ میشا شفیع نے مشہور اداکار و گلوکار علی ظفر پر جنسی ہراساں کرنے کا الزام لگادیا ۔

 سماجی رابطے کی ویب سائٹ ٹوئٹر پر گلوکارہ میشا شفیع نے مشہور گلوکار و اداکار علی ظفر پر جنسی ہراساں کرنے کا الزام عائد کردیا۔

سماجی رابطے کی ویب سائٹ ٹوئٹر پر گلوکارہ میشا شفیع نے مشہور گلوکار و اداکار علی ظفر پر جنسی ہراساں کرنے کا الزام عائد کرتے ہوئے کہا کہ انہیں کسی اور نے نہیں بلکہ انڈسٹری سے تعلق رکھنے والے مشہور گلوکار علی ظفر نے ایک نہیں بلکہ متعدد بار جنسی طور پر ہراساں کیا۔ ان کا کہنا تھا کہ یہ سب اس وقت میرے ساتھ ہوا جب انڈسٹری میں میرا نام تھا اور میں 2 بچوں کی ماں تھی۔

میشا شفیع کا کہنا تھا کہ اس واقعے سے مجھے شدید صدمہ پہنچا ہے، علی ظفر کو میں کئی سالوں سے جانتی ہوں اور ان کے ساتھ کئی بار پرفارم بھی کیا لیکن ان کے رویے اور شخصیت نے مجھے دھوکا دیا تاہم میں جانتی ہوں کہ میں اکیلی نہیں ہوں۔

گلوکارہ کا کہنا تھا کہ میں آج اس وجہ سے بول رہی ہوں کیوں کہ میرا ضمیر مجھے مزید خاموش رہنے کی اجازت نہیں دیتا، اگر یہ میرے ساتھ ہوسکتا ہے تو کسی بھی خاتون کے ساتھ ہوسکتا ہے۔ انہوں نے کہا کہ کوئی بھی خاتون جنسی ہراسانی سے محفوظ نہیں، ہمارے معاشرے میں اس مسئلے پر بات کرنے سے لوگ ہچکچاتے ہیں اور اسی وجہ سے جنسی ہراسانی کو پھلنے پھولنے کا موقع ملتا ہے۔

واضح رہے میشا شفیع پاکستان کی سینئر اداکارہ صباءحمید کی بیٹی بھی ہیں۔

Social Media Auto Publish Powered By : XYZScripts.com