پنجاب کے علاقے شیخوپورہ اور ساہیوال میں ٹریفک حادثات میں 7 افراد جاں بحق اور 20زخمی ہوگئے۔
ہفتے کو شیخوپورہ میں سرگودھا روڈ پر تیز رفتار رکشہ آئل ٹینکر سے ٹکرا گیا جس کے نتیجے میں 4 مسافر جان کی بازی ہار گئے جبکہ 3 شدید زخمی ہوگئے۔
ریسکیو ذرائع کے مطابق، زخمیوں کو تشویشناک حالت میں ڈی ایچ کیو اسپتال منتقل کردیا گیا،مسافروں کا تعلق ایک ہی خاندان سے تھا۔
ادھر ساہیوال میں چیچہ وطنی بائی پاس کے قریب بس اور آئل ٹینکر میں ٹکر ہوگئی ، حادثے میں 3 افراد جان سے گئے جبکہ 17 زخمی ہوگئے۔
ذرائع کے مطابق، حادثہ بس ڈرائیور کو نیند آجانے کے باعث پیش آیا، تمام زخمیوں کو اسپتال منتقل کردیا گیا ہے۔
