وزیر اعظم کی ہدایات کی روشنی میں ڈپلومیٹک انکلیو میں کلین اینڈ گرین پروجیکٹ کے تحت 5 ہزاردرخت لگائے جائیں گے۔
ذرائع کے مطابق سفارتخانوں نے وزیر اعظم کو تحریری طور پر آگاہ کیا ہے کہ ڈپلومیٹک انکلیو ایف فائیو میں صفائی کا نظام انتہائی ناقص ہے، جگہ جگہ گھاس اور جھاڑیاں ہیں حکومت کو چاہیے کہ وہ خالی پلاٹوں کی صفائی کے ساتھ ساتھ گرین بیلٹس کو اپ گریڈ کرے تاکہ ایف فائیوکی معیاری اپ گریڈیشن ہو۔
اس بارے میں وزیراعظم سیکریٹریٹ نے میونسپل ایڈمنسٹریشن اور کپیٹل ڈیولپمنٹ اتھارٹی کو سختی سے ہدایات جاری کی ہیں کہ اسلام آباد کے دیگر سیکٹرز کی طرح ڈپلومیٹک انکلیو ایف فائیو میں بھی کلین اینڈ گرین پروجیکٹ کا آغاز کیا جائے۔
