یوٹیلٹی اسٹورز پر رمضان المبارک سے قبل بنیادی اشیاء پر 7.5ارب روپے کی خصوصی سبسڈی کاآغاز آج سے ہو گیا ہے۔
یوٹیلیٹی اسٹورز کارپوریشن سٹورز کے ترجمان کے مطابق وزیر اعظم کی جانب سے اعلان کردہ عوا م کی سہولت کیلئے رمضان المبارک کے مہینے میں 7.5ارب روپے کی خصوصی سبسڈی پر بنیادی اشیاء کی فراہمی منگل پانچ مارچ سے شروع کر دی گئی ہے۔
وفاقی حکومت کے اس خصوصی پیکج کے تحت یوٹیلیٹی اسٹورز کارپوریشن کے ذریعے عوام کو 19بنیادی اشیاء خورونوش بشمول آٹا،گھی،خوردنی تیل، چینی، دال چنا، سفید چنے، بیسن، کجھور،چاول، چائے، مصالحہ جات، دودھ اور مشروبات رعایتی نرخوں پر فراہم کی جائیں گی۔
اس کے علاوہ بی آئی ایس پی صارفین کیلئے چینی کی فی کلو قیمت 109 روپے،گھی 365 روپے اور آٹے کے 10 کلو تھیلے کی قیمت 648 روپے برقرار ہوگی۔
یوٹیلیٹی اسٹورز پر رمضان ریلیف پیکج کا اطلاق 5 مارچ سے ہوگا جو چاند رات تک جاری رہے گا،جنرل صارفین کیلئے 1000سے زائد اشیاء پر بھی 15فیصد تک خصوصی رعایت دی گئی ہیں۔
