سعودی عرب کے معاون وزیر دفاع میجر جنرل طلال بن عبداللہ العتیبی پاکستان کے دورے پر اسلام آباد پہنچ گئے۔
پاکستان پہنچنے پر سعودی معاون وزیرِ دفاع کا پاکستان کے اعلیٰ سطحی وفد نے پُرتپاک استقبال کیا گیا۔
اپنے دورے کے دوران سعودی عرب کے معاون وزیرِ دفاع آرمی چیف جنرل سید عاصم منیر سے بھی ملاقات کریں گے۔
ملاقات میں پاکستان اور سعودی عرب کے درمیان دفاعی تربیت سمیت دفاعی امور زیر بحث آئیں گے۔
سعودی معاون وزیرِ دفاع کی آرمی چیف جنرل عاصم منیر سے ملاقات میں دفاعی تعلقات کو مزید وسعت دینے پر بھی تبادلہ خیال کیا جائے گا۔
