پاک فوج کے جوانوں نے نتھیاگلی، مری سمیت دیگر علاقوں میں برف میں پھنسے سیاحوں کو بحفاظت نکال لیا۔
پاک فوج کے شعبہ تعلقات عامہ (آئی ایس پی آر) کے مطابق پاک فوج نے گزشتہ شب مری، نتھیاگلی، توحید آباد میں پھنسے سیاحوں کو بحفاظت نکال کر محفوظ مقام پر منتقل کر دیا ہے۔
سیاحوں کو ریسکیو کرنے کے کام میں پاک آرمی، پاک فضائیہ اور کوئیک رسپانس فورس (کیو آر ایف) کے اہلکاروں نے حصہ لیا، ریسکیو آپریشن کے لیے رات سوا تین بجے ٹیمیں روانہ کی گئی تھیں۔
مری، نتھیا گلی اور توحید آباد میں پھنسے سیاحوں نے میڈیا کے ذریعے مدد کی اپیل کی تھی۔
