ملک بھر میں عیدمیلادالنبی ﷺ کی بھرپور تیاریاں جاری ہے۔ ہرسو رنگ و نور کی برسات ہے ۔ گلی گلی ، کوچہ کوچہ جمگا اٹھا ہےجبکہ فضائیں درودوسلام سے گونج رہیں ہیں۔
عیدمیلادالبنی ﷺ کے پرمسرت دن کو عقیدت و احترام سے منانے کے لئے ملک بھر کی طرح لاہور میں بھی تیاریوں کا سلسلہ جاری ہے ۔برقی قمقموں سے گلیوں اور بازار کو سجانے کا سلسلہ جاری ہے۔ہرطرف رنگ و نور کی برسات ہے۔
کراچی میں فرزندان اسلام آقائے دو جہاں حضرت محمد مصطفیٰﷺ کی ولادت با سعادت کے یوم کو مذہبی جوش وجذبے سے منانے کےلئے گھروں ، گلیوں اور چورواہوں کو برقی قمقموں سے سجانے میں مصروف ہیں۔ جشن ولات کے موقع پر رنگ برنگی برقی روشنیوں سے سجی عمارتیں اور شاہرائیں دیکھنے والوں کے لیے انتہائی حسین نظارہ پیش کررہی ہیں ۔دوسری جانب گلیوں اور گھروں کو سجانے والے نوجوانوں کا کہنا ہے کہ دس سے پندرہ دن پہلے سجانے کا کام شروع کرتے ہیں تاکہ بارہ ربیع الاول کا دن جوش و جزبے سے منا سکیں۔
حیدر آباد میں بھی سرکار دو عالم کا جشن ولادت منانے کےلئے جہاں شہر بھر کو نالین مبارک سے مزین پرچموں سے سجایا گیا ہے وہیں شہر بھر کی نمایاں سرکاری ونجی عمارتوں پر بھی برقی قمقموں سے منور کر دیا گیا ہے۔
روایات کے مطابق جہاں عمارتوں کو بھرپور طریقے سے سجایا جاتا ہے وہیں شہر بھر کی مساجد پر بھی برقی قمقمے نصب کیے گئے ہیں ۔ مساجد کو سجانے کا مقصد سرکار دو عالم (ص) کی ولادت کی خوشیاں منانا اور عقیدت اور محبت کا اظہار کرناہے۔
ملک بھر کی طرح شرقپور شریف میں بھی عید میلادالنبی صلی اللہ علیہ وآلہ وسلم کی تیاریاں عروج پر ہیں۔ سرکاری نجی عمارتوں کو برقی قمقموں سے سجایا جا رہا ہے جبکہ شہریوں کی جانب سے گلیوں اور بازاروں کو بھی خوبصورت رنگ برنگی جھنڈیوں ،قدرتی پھولوں اور دیگر آرائشی سامان سے سجایا گیا ہے ۔
عاشقان مصطفٰےﷺ اپنے اپنے انداز میں بڑھ چڑھ کر اپنے اپنے علاقوں کو خوبصورت بنانے میں مصروف ہیں ۔شہریوں کا کہنا تھا کہ ہم ہر سال اسی طری محبت کے ساتھ عید میلاد النبی صلی اللہ علیہ وآلہ وسلم کے موقع پر بھر پور انداز میں تیاریاں کرتے ہیں اور اپنے آقا کریم صلی اللّٰہ علیہ وآلہ وسلم کی آمد کی خوشی مناتے ہیں کیوں کہ یہ مسلمانوں کے لئے سب سے بڑی عید ہے اور جب تک زندگی ہے انشاللہ یہ سلسلہ جاری رہے گا ۔
راولاکوٹ آزاد کشمیراورگردونواح میں جشن عید میلاد النبی صلی اللہ علیہ وسلم کی تیاریاں عروج پرہیں ۔گلیاں بازار مساجد اور گھروں کو برقی قمقموں سے سجا دیا گیا ہے۔
