اجلاس میں ملک کی سیاسی و اقتصادی صورتحال اور 100 روزہ پلان پر عملدرآمد کا جائزہ لیا جائے گا۔
وزیراعظم عمران خان کی زیرصدارت وفاقی کابینہ کا اجلاس جمعے کی صبح ساڑھے 10 بجے وزیراعظم آفس میں ہوگا۔ اجلاس میں ملک کی سیاسی اور اقتصادی صورتحال کا جائزہ لیا جائے گا۔
وزیر خزانہ اسد عمر متحدہ عرب امارات اور ملائیشیا کے ساتھ ہونے والے معاہدوں پر کابینہ کو بریفنگ دیں گے۔
ذرائع کے مطابق اجلاس میں سعودی عرب سے ملنے والی گرانٹ کے بعد کی صورتحال اور 100 روزہ پلان پر عملدرآمد کا جائزہ لیا جائے گا۔
وزیر اعظم وزراتوں کو دیئے گئے اہداف اور وفاقی کابینہ کے گذشتہ اجلاسوں کے فیصلوں پر عملدرآمد کا بھی جائزہ لیں گے۔
وفاقی کابینہ مختلف ممالک کے ساتھ معاہدوں اور مفاہمت کی یادداشتوں کی منظوری دے گی۔ کابینہ کے اجلاس میں مختلف اداروں میں تقرریوں پر بھی غور کیا جائے گا۔
