بھارتی فوجیوں کی مقبوضہ کشمیر میں دہشت گردی کی تازہ کارروائیاں۔ پلوامہ میں 9 کشمیری نوجوان شہید کر دیئے۔
کشمیر میڈیا سروس کے مطابق بھارتی فوجیوں نے 3 نوجوانوں کو ضلع پلوامہ کے علاقے کھرپورہ سرنو میں محاصرے اور تلاشی کی کارروائی کے دوران شہید کیا۔ نوجوانوں کی شہادت پر لوگوں نے سڑکوں پر آ کر زبردست احتجاج شروع کر دیا۔ بھارتی فورسز کے اہلکاروں نے مظاہرین کو منتشر کرنے کے لیئے فائرنگ، پیلٹ گن اور آنسو گیس استعمال کا استعمال کیا جس کے نتیجے میں مزید 6 کشمیری نوجوان شہید اور متعدد زخمی ہو گئے۔
آخری اطلاعات کے مطابق بھارتی فورسز اور مظاہرین کے درمیان جھڑپیں جاری تھیں۔ قابض انتظامیہ نے ضلع پلوامہ میں موبائل فون اور انٹرنیٹ سروس معطل کر دی ہے تا کہ دنیا بھارتی حکومت اور فوج کی بربریت اور ظلم سے واقف نہ ہو سکے۔ انتظامیہ نے مقبوضہ وادی میں ریل سروس بھی معطل کر دی ہے
