سابق بھارتی اوپنر گوتم گمبھیر نے انٹرنیشنل کرکٹ سے ریٹائرمنٹ کا اعلان کردیا۔
گوتم گمبھیر نے 2004 میں ٹیسٹ ڈیبیو کیا تھا، انہوں نے اپنے کیریئر کے دوران 58 ٹیسٹ میچز میں 4154 رنز بنائے۔ بائیں ہاتھ سے بیٹنگ کرنے والے گوتم گمبھیر نے آخری ٹیسٹ 2016 میں انگلینڈ کیخالف کھیلا تھا۔
انہوں نے 147 ون ڈے میچز میں بھی بھارت کی نمائندگی کی۔ گوتم گمبھیر نے ون ڈے میں 11 سنچریاں اور 34 نصف سنچریوں کی مدد سے 5238 رنز بنائے۔
انہوں نے آخری ون ڈے میچ 2013 میں انگلینڈ کیخلاف کھیلا تھا۔ سال 2011 کے کرکٹ ورلڈ کپ میں گوتم گمبھیر نے شاندار 97 رنز کی اننگز کھیل کر اپنی ٹیم کو ورلڈ چیمپئن بنانے میں اہم کردار ادا کیا تھا۔ ان کے ہمراہ کپتان مہندر سنگھ دھونی نے ناقابل شکست 91 رنز بنائے تھے
