چودہویں ہاکی ورلڈ کپ آج سے بھارت کے شہر بھونیشور میں شروع ہو رہا ہے۔
چار مرتبہ کی عالمی چیمپئن پاکستان ٹیم پہلا میچ یکم دسمبر کو جرمنی کے خلاف کھیلے گی۔میگا ایونٹ میں 16 ممالک کی ٹیمیں حصہ لے رہی ہیں جنہیں چار پول میں تقسیم کیا گیا ہے۔
پول ’اے‘ میں ارجنٹینا، نیوزی لینڈ، اسپین اور فرانس کی ٹیمیں شامل ہیں۔ پول ’بی‘ میں آسٹریلیا، انگلینڈ، آئرلینڈ اور چین شامل ہیں۔
پول ’سی‘ میں بیلجیم، بھارت، کینیڈا اور جنوبی افریقہ کی ٹیمیں شامل ہیں جبکہ پول ’ڈی‘ میں ہالینڈ، جرمنی، ملائیشیا اور پاکستان شامل ہیں۔بالی ووڈ اداکار شاہ رخ خان، موسیقار اے آر رحمان اور اداکارہ مادھوری ڈکشٹ بھی افتتاحی تقریب میں شرکت کریں گی۔
ٹورنامنٹ کے پہلے دن پول سی کے دو میچز کھیلےجائیں گے۔ بیلجیئم کا مقابلہ کینیڈا سے ہو گا۔ بھارت، جنوبی افریقہ کے خلاف میچ سے اپنی مہم کاآغاز کرے گا۔پاکستان اپناپہلا میچ یکم دسمبر کو جرمنی سے کھیلے گا۔
واضح رہے کہ پاکستان ہاکی ورلڈ کپ کا ٹائٹل چار مرتبہ اپنے نام کیا ہے۔ پاکستان نے 1971ء، 1978،ء1982ءاور 1994ءمیں ورلڈ کپ ٹائٹل اپنے نام کیاہے۔انیس سو بیاسی میں بھارت میں عالمی کپ جیتنے والی پاکستان ہاکی ٹیم ایک بار پھر ورلڈ کپ کھیلنے کے لیے بھارت میں ہے،اگر پاکستان ٹیم ٹاپ 8 میں بھی آگئی تو یہ پاکستان ٹیم کی بڑی کامیابی ہوگی کیونکہ ورلڈ کپ میں پہلی آٹھ پوزیشن والی ٹیمیں ہی اولمپکس کیلئے کوالیفائی کریں گی۔
