پاکستان اور سری لنکا کے درمیان ون ڈے اور ٹی ٹوئنٹی میچز کے اوقات کا اعلان کر دیا گیا۔ نیشنل اسٹیڈیم کراچی میں ون ڈے میچز کا ٹاس ڈھائی بجے ہوگا۔ میچ سہ پہر 3 بجے شروع ہوں گے۔ ٹی ٹوئنٹی میچز کا ٹاس 6 بجے ہو گا اور میچ ساڑھے 6 بجے شروع ہوں گے۔
پی سی بی اعلامیہ کے مطابق پاکستان اور سری لنکا کے درمیان ون ڈے اور ٹی ٹوئنٹی سیریز کی ٹائمنگ کا اعلان کر دیا گیا ہے۔ نیشنل اسٹیڈیم کراچی میں ون ڈے انٹرنیشنل میچز 27 اور 29 ستمبر اور 2 اکتوبر کو شیڈول ہیں۔ میچز کا ٹاس ڈھائی بجے ہوگا اور میچ کی پہلی اننگ سہ پہر 3 بجے سے شام ساڑھے 5 بجے تک کھیلی جائے گی۔ دوسری اننگ شام سوا 6 بجے سے رات 10 تک مکمل ہو گی۔
قذافی اسٹیڈیم لاہور میں ٹی ٹوئنٹی میچز 5، 7 اور 9 اکتوبر کو کھیلے جائیں گے۔ میچز کا ٹاس شام 6 بجے ہو گا، میچ ساڑھے 6 بجے شروع ہو گا اور 10 بجے تک مکمل ہو جائے گا۔
