ٹوکیو: جاپانی وزیراعظم شنزو آبے کے جہاز میں پرواز کے دوران آگ لگ گئی۔
جاپانی میڈیا کے مطابق جاپانی وزیراعظم شنزو آبے وفد کے ہمراہ مشرقی ایشیائی ممالک کی تنظیم آسیان کے اجلاس میں شرکت کیلئےتھائی لینڈ جارہے تھے۔ جہاز کے ہوا میں بلند ہونے کے 1 گھنٹے بعد طیارے میں اعلان کیا گیا کہ طیارے کا اوون دھماکے سے پھٹ گیا ہے اور کچن میں آگ لگ گئی ہے جس کے باعث مسافروں میں خوف و حراس پھیل گیا جبکہ آگ پر 10 منٹ بعد قابو پالیا گیا تھا۔
جاپانی ائیر پورٹ حکام کا کہنا ہے کہ آگ لگنے کا واقعہ کھانا گرم کرتے وقت پیش آیا،اس دوران فضائی عملے کا کوئی اہلکار آتشزدگی سے متاثر نہیں ہوا۔
