وزیراعظم عمران خان کے چینی کا اسٹاک مارکیٹ میں لانے کے اعلان کے بعد مختلف شہروں میں چینی کی قیمت میں کمی آگئی۔
کراچی میں ایک کلو چینی کی ایکس مِل قیمت 100 روپے اور ہول سیل بازار میں 105 روپے کلو ہوگئی۔
لاہور کی اکبر منڈی میں چینی 105 روپے سے 110 روپے کلو میں دستیاب ہے جبکہ کوئٹہ میں چینی کی قیمت میں 20 روپے فی کلو تک کی کمی ہوئی ہے اور فی کلو قیمت 160 روپے سے کم ہو کر 140 روپے ہوگئی۔
بنوں، مردان، نوشہرہ اور پشاور سمیت مختلف اضلاع میں عوام کو چینی 90 روپے فی کلو کے حساب سے دستیاب ہے۔
خیال رہے کہ مختلف شہروں میں چینی 140 سے 160 روپے فی کلو پر فروخت ہو رہی تھی جس کے بعد گزشتہ دنوں وزیراعظم نے ہدایت کی تھی کہ چینی کا جتنا بھی ذخیرہ موجود ہے اسے مارکیٹ میں لایا جائے۔
