سینئر اینکر پرسن اور صحافی ارشد شریف قتل کیس کی تحقیقات کے لئے قائم 5 رکنی اسپیشل جے آئی ٹی دبئی اور کینیا سے شواہد اکٹھے کر کے واپس پاکستان پہنچ گئی۔
جے آئی ٹی 12 جنوری کو دبئی پہنچی تھی جہاں ایک ہفتہ انکوائری کے بعد کینیا روانہ ہوئی تھی۔
دبئی میں جے آئی ٹی ممبران نے ارشد شریف کے آخری دنوں کی ملاقاتوں اور رابطوں کی معلومات حاصل کی۔
جے آئی ٹی رواں ہفتے اپنی رپورٹ مرتب کرکے سپریم کورٹ میں جمع کروائے گی۔
ڈی آئی جی ہیڈ کوارٹر اویس احمد 5 رکنی اسپیشل جے آئی ٹی کی سربراہی کر رہے ہیں، جس میں آئی بی سے ڈپٹی ڈی جی ساجد کیانی اور آئی ایس آئی سے گریڈ 20 کے افسر شامل ہیں۔
اس کے علاوہ ایف آئی اے سے ڈائریکٹر سائبر کرائم وقار الدین سید ،ایم آئی سے محمد افضل شامل ہیں۔
