صدر مملکت ڈاکٹرعارف علوی کراچی پولیس آفس حملے میں زخمی ہونے والوں کی عیادت کے لئے جناح اسپتال کراچی پہنچ گئے۔
صدر مملکت نے پولیس اور رینجر اہلکاروں کی بہادری کی سراہاتے ہوئے ان سے سے ان کی صحت کے بارے میں دریافت کیا ساتھ ہی پولیس اور رینجر کے اہلکاروں کے ساتھ يكجہتی کا اظہار بھی کیا۔
اس موقع پر ڈاکٹرعارف علوی نے حملے کے شہداء کو بھی خراج عقیدت پیش کرتے ہوئے ان کے لئے بلندی درجات کی دعا کرنے کے ساتھ ہی تمام زخمیوں کیلئے جلد صحتیابی کی دعا کی۔
گزشتہ روز کراچی کے علاقے شاہراہ فیصل کے مقام پر صدر تھانے سے متصل ایڈیشنل آئی جی سندھ کے دفتر پر دہشت گردوں نے حملہ کیا تھا۔ اس دوران پولیس سمیت سیکیورٹی اداروں کی جوابی کارروائی اورآپریشن کے دوران 3 دہشت گرد مارے گئے۔
