وزیرخارجہ بلاول بھٹو نے کہا کہ مقبوضہ کشمیرمیں خواتین کو تشدد کا نشانہ بنایا جارہا ہے جبکہ افغانستان میں بچیوں کو تعلیم سے روکنا تشویشناک ہے۔
بلاول بھٹو نے سلامتی کونسل میں مباحثے سے خطاب کرتے ہوئے کہا کہ افغانستان میں خواتین کی ترقی کیلئے کام کرنا ہوگا جبکہ پاکستان خواتین کو بااختیار بنانے کیلئے اپنا کردار ادا کرتا رہے گا۔
انہوں نے کہا کہ خواتین کو ساتھ ملائے بغیر ترقی ممکن نہیں ہے خواتین اور بچیاں بھی جنگوں سے براہ راست متاثر ہورہی ہیں ہم سب نے مل کر خواتین کے خلاف جرائم کو روکنا ہے۔
مزید کہا کہ عالمی تنازعات،جنگوں میں سویلین افرادٹارگٹ بن رہے ہیں دنیا کو اس وقت دہشتگردی، جنگ،نفرت کاسامنا ہے جبکہ خواتین کوساتھ ملائے بغیرترقی ممکن نہیں ہے۔
