سندھ حکومت نے سابق وزیراعظم بے نظیر بھٹو کی 16 ویں برسی کے موقع پر کل 27 دسمبر کو عام تعطیل کا اعلان کیا ہے۔
وزیراعلیٰ سندھ کے ترجمان کے مطابق نگران وزیراعلیٰ سندھ جسٹس (ر) مقبول باقر نے کل صوبے بھر میں عام تعطیل کی منظوری دے دی۔
ترجمان نے بتایا کہ صوبائی حکومت کے تمام سرکاری و نجی ادارے، لوکل کونسلز اور انتظامی دفاتر 27 دسمبر کو بند رہیں گے۔
پاکستان پیپلز پارٹی بینظیر بھٹو کی 16 ویں برسی کے موقع پر گڑھی خدا بخش میں جلسہ کرے گی۔
بینظیر بھٹو 27 دسمبر 2007 کو راولپنڈی کے لیاقت باغ میں جلسے کے بعد شہید کر دی گئی تھیں۔
