چیئرمین پیپلزپارٹی بلاول بھٹو نے اعلان کیا ہے کہ حکومت میں آئے تو 300 یونٹ کےصارفین کو سولر کے ذریعے مفت بجلی دیں گے۔
گڑھی خدابخش میں بےنظیر بھٹو کی 16ویں برسی کے موقع پر جلسہ سے خطاب کرتے ہوئے بلاول بھٹو نے انتخابی منشور کا اعلان کرتے ہوئے کہا کہ پیپلزپارٹی کوحکومت ملی تو ہماری 10 ترجیحات ہوں گی، ملک کے تمام مزدوروں کو بےنظیر کارڈدیں گے ان کی زندگی بہتر بنائیں گے اگر ہم نے دہشت گردی، مہنگائی، بیروزگاری کا مقابلہ کرنا ہے تو آپسی دشمنی کو چھوڑنا ہو گا۔
بلاول بھٹو نے کہا کہ سیلاب متاثرین کےلیے سندھ میں گھر بنا کر دے رہے ہیں کچی آبادیوں اور غریبوں کو مالکانہ حقوق بھی دے رہے ہیں حکومت آئی تو غریبوں کو 30لاکھ گھر بناکر دیں گے۔
ان کا کہنا تھا کہ ملک کے عوام لوڈشیڈنگ سے بیزار ہو چکے ہیں لوڈشیڈنگ ختم نہیں ہوتی اوربلزایسے آتےہیں جو بھرے نہیں جاسکتے حکومت میں آنے کےبعد لوڈشیڈنگ اور بلوں کےمسائل ختم کریں گے،300 یونٹ کے صارفین کو سولر کےذریعے مفت بجلی دیں گے ہر ضلع میں گرین انرجی کے نام پر پارک کھولیں گےاور غریبوں کو مفت بجلی دیں گے گرین انرجی پارک کھولیں گے تو کسی اور کی ضرورت نہیں پڑے گی۔
نوجوانوں سے متعلق انہوں نے اعلان کیا کہ قائد عوام اور بےنظیرکاخواب تھا کہ تعلیم سب کےلیے ہونی چاہیے نوجوانوں سےوعدہ ہے تعلیم کے بہترین منصوبے لائیں گےنوجوانوں کی یوتھ کارڈ کےذریعے مدد کریں گے ان نوجوانوں کو یوتھ کارڈ دیں گےجو روزگار کی تلاش میں ہیں۔
بلاول نے پیغام دیا کہ تیاری پکڑیں دمادم مست قلندر ہو گا وعدہ کریں آپسی اختلافات بھول کرایک ہوکرمیری طاقت بنیں گے پاکستان پیپلزپارٹی انشااللہ بلوچستان کی ترقی کرکےدکھائےگی، خیبرپختونخواکےعوام نے سلیکٹڈ حکومت اور دہشت گردی کا مقابلہ کیا اب پیپلزپارٹی خیبرپختونخوا کو سنبھالے گی اور دہشت گردی کا خاتمہ کرے گی، خیبرپختونخوامیں ترقی ہوگی توپوراملک ترقی کرےگا، سندھ کےعوام نےشہیدبی بی کےبعدباربارہمیں محبت کایقین دلایا سندھ کےعوام نےایک مرتبہ بےنظیربھٹوکی جماعت کو جتوانا ہے مجھے اکثریت چاہیے، 100 سے زائد نشستیں جتوانی ہیں۔
