اسلام آباد چیئرمین پیپلزپارٹی بلاول بھٹو آئندہ ماہ سے خیبرپختونخوا میں انتخابی مہم کا آغاز کریں گے اور 8 جنوری کو پہلے انتخابی جلسہ سے خطاب کریں گے۔
تفصیلات کے مطابق چیئرمین پیپلزپارٹی بلاول بھٹو نے خیبرپختونخوا میں انتخابی مہم خود چلانے کا فیصلہ کرلیا، ذرائع نے بتایا کہ بلاول بھٹو آئندہ ماہ سے کے پی میں انتخابی مہم کا آغاز کریں گے۔
بلاول بھٹو کے خیبرپختونخوا کے انتخابی جلسوں کا ابتدائی شیڈول تیار کرلیا گیا ہے، بلاول بھٹو 8 جنوری کو کے پی میں پہلے انتخابی جلسہ سے خطاب کریں گے۔
بلاول بھٹو کے پہلے جلسہ کیلئے ڈی آئی خان، کوہستان، ضلع کرم کا حلقہ زیرغور ہے، بلاول بھٹو پشاور، مالاکنڈ، ڈی آئی خان، صوابی میں انتخابی جلسہ کریں گے۔
بلاول بھٹو خیبرپختونخوا کے تمام ڈویژنز میں انتخابی جلسہ کریں گے، کے پی کے انتخابی جلسوں کیلئے خصوصی کمیٹی تشکیل دے دی گئی ہے۔
خصوصی کمیٹی کے پی میں بلاول بھٹو کے جلسوں کے معاملات دیکھے گی۔
