پاکستان پیپلز پارٹی کے ترجمان فیصل کریم کنڈی نے کہا ہے کہ پیپلز پارٹی کابینہ کا حصہ نہیں ہو گی اس فیصلے پر قائم ہیں۔
تفصیلات کے مطابق پی پی ترجمان نے واضح کیا ہے کہ ان کی پارٹی کا وفاقی کابینہ کا حصہ بننے کا کوئی ارادہ نہیں ہے۔ فیصل کریم کا کہنا تھا کہ ن لیگ کوئی اچھی قانون سازی کرے گی اس پر بھی حمایت کریں گے۔
فیصل کریم کنڈی نے کہا کہ پیپلزپارٹی کے حکومت میں شامل ہونے کی خبروں میں کوئی صداقت نہیں ہے۔
انھوں نے کہا کہ پیپلزپارٹی اور ن لیگ کی کمیٹیوں کی روزملاقاتیں ہورہی ہیں۔ سیاست میں کوئی آخری فیصلہ نہیں ہوتا۔ ابھی تک فیصلہ کیا ہے کہ کابینہ میں نہیں بیٹھیں گے۔
واضح رہے کہ اس سے قبل بھی پیپلزپارٹی نے وفاقی کابینہ میں شمولیت کے معاملے پر ایبسولوٹلی ناٹ کہہ دیا تھاْ۔
پی پی ذرائع کا کہنا تھا کہ پیپلزپارٹی ن لیگ کی تشکیل کردہ کابینہ میں کسی صورت شامل نہیں ہوگی، حالیہ الیکشن پر شدید تحفظات برقرار ہیں۔
پی پی ذرائع کا کہنا ہے کہ پیپلزپارٹی پی ڈی ایم حکومت کا جانبدارانہ رویہ نہیں بھولی ہے، پیپلزپارٹی کو پنجاب میں سیاسی انتقام کے معاملے پر تحفظات تھے۔
