خیرپور میں مہران ہائی وے پر 3 گاڑیوں میں تصادم کے نتیجے میں 3 افراد جاں بحق اور 7 زخمی ہوگئے۔
ریسکیو حکام کے مطابق مہران ہائی وے پر کرونڈی کے قریب آئل ٹینکر بے قابو ہو کر وین اور گاڑی سے جا ٹکرایا جس کے نتیجے میں حادثہ پیش آیا۔
حادثے میں باپ بیٹے اختر حسین شر ولد عطاء حسین اور عطاء حسین ولد محمد یوسف سمیت عطاء حسین لنڈ موقع پر ہی جاں بحق ہوگئے۔
حادثے میں زخمی ٹینکر کے کنڈیکٹر امین شاہ کو مقامی اسپتال منتقل کر دیا گیا، جو کہ لنڈی کوتل کا رہائشی ہے۔
اس کے علاوہ دیگر زخمیوں اظہر حسین، ہمت، عبدالستار، اختر حسین، دین محمد اور رفیق کو نواب شاہ اسپتال منتقل کردیا گیا۔
