انتہاپسند ہندوؤں کے تنازعات اور احتجاج کے باوجود بولی وڈ کے بادشاہ شاہ رخ خان کی فلم ’پٹھان‘ نے ریلیز کے پہلے ہی دن 57 کروڑ روپے کماکر نہ صرف نیا اعزاز حاصل کیا بلکہ اس نے کئی ریکارڈ بھی بنا ڈالے۔
’پٹھان‘ کو 25 جنوری کو بھارت سمیت دنیا بھر میں ریلیز کیا گیا تھا اور اس کی نمائش کے خلاف انتہاپسند ہندوؤں نے دھمکی دے رکھی تھی۔
فلم کو 25 جنوری کا آغاز ہوتے ہی رات کو ایک بجے بھارت کی سینماؤں پر دکھایا گیا تھا اور اس کا پہلا شو رات دیر گئے دکھایا گیا تھا اور ہندوستان بھر میں فلم کو دیکھنے کے لیے سینماؤں کے باہر لوگوں کی لمبی قطاریں لگ گئی تھیں۔