پاک بحریہ کے زیرِ انتظام تیسری میری ٹائم سیکیورٹی ورکشاپ کا انعقاد کیا گیا، میری ٹائم ورکشاپ کے انعقاد کا مقصد ملکی میری ٹائم سیکٹر اور بحری اقتصادی استعداد کا فروغ ہے۔
ترجمان پاک بحریہ کے مطابق پاک بحریہ کے زیرِ انتظام تیسری میری ٹائم سیکیورٹی ورکشاپ کے شرکا نے کراچی، سجاول، شاہ بندر اور سر کریک میں پاک بحریہ کے اگلے مورچوں کا دورہ کیا۔
ترجمان پاک بحریہ کے مطابق اس موقع پر شرکا کو در پیش خطرات اورغیر قانونی سرگرمیوں کی روک تھام میں پاک بحریہ کے کردار سے آگاہ کیا گیا۔
ترجمان کے مطابق ورکشاپ کے انعقاد کا مقصد ملکی میری ٹائم سیکٹر اور بحری اقتصادی استعداد کا فروغ ہے اس کے علاوہ کراچی پورٹ ٹرسٹ، شپ یارڈ ،نیشنل شپنگ کارپوریشن میں میری ٹائم مسائل پر مباحثوں کا انعقاد کیا گیا،جہاں سمندری آلودگی سے نمٹنے کے لئے ہنگامی بنیادوں پر اقدامات اُٹھانے کی ضرورت پر زور دیا گیا اس کے علاوہ ورکشاپ کے شرکا کو پاک بحریہ کے جنگی جہازوں کا مطالعاتی دورہ بھی کرایا گیا۔
