کورونا وائرس سے نمٹنے کے لئے تمام طبی مراکز تیار ہیں ،آئی ایس پی آر۔

راولپنڈی:(17مارچ 2020)کورونا وائرس سے نمٹنے کے لئے آرمی چیف نے مسلح افواج کوسول انتظامیہ سے تعاون کے لئے فوری اقدامات کی ہدایات کردی ہیں۔

پاک فوج کے شعبہ تعلقات عامہ آئی ایس پی آر کی جانب سے جاری بیان کے مطابق آرمی چیف نے تمام کمانڈرز کو ضروری اقدامات کی ہدایت کی ہے، جس پرتمام بڑے فوجی اسپتالوں میں کورونا کے ٹیسٹ کے لئے لیبز قائم کردی گئیں ہیں۔

آئی ایس پی آر کے مطابق اے ایف آئی پی میں بھی سینٹرل ٹیسٹنگ لیب قائم کی گئی ہے اس کے علاوہ مسلح افواج صورتحال سے نمٹنے کیلئے وفاقی اور صوبائی انتظامیہ کے ساتھ رابطے میں ہیں۔