ملک میں کورونا سے بچاو کی ویکسین کی 10 کروڑ خوراکیں لگا دی گئیں
نیشنل کمانڈ اینڈ آپریشن سینٹر کے سربراہ اسد عمر نے سوشل میڈیا رابطے کی ویب سائٹ ٹوئٹر پر اپنے ایک بیان میں کہا ہے کہ الحمد للہ آج ملک میں ویکسی نیشن کی تعداد 10 کروڑ سے تجاوزکرگئی ہے۔ کل 6 کروڑ 80 لاکھ لوگوں نے ویکسین لگوائی ۔
ان کا کہنا ہے کہ 3 کروڑ 80 لاکھ سے زائد آبادی کی مکمل ویکسی نیشن ہو چکی ہے۔ 3 کروڑ افرادایک ڈوز لگواچکےہیں۔ انتہائی ضروری ہےایک ڈوز لگوا نے والے دوسری ڈوزبھی لگوائیں۔
اس حوالے سے معاون خصوصی ڈاکٹر فیصل سلطان نے بھی ٹوئٹر پراپنے پیغام میں کہا ہے کہ پاکستان میں کورونا کی 10 کروڑ ویکسین لگادی گئیں ہیں۔
ان کا کہنا ہے کہ 10کروڑویکسین لگانےمیں جس نےبھی کرداراداکیااس کاشکرگزارہوں۔ ہمیں ابھی اور بھی لوگوں کو ویکسین لگانے کی ضرورت ہے ۔ویکسین لگانے سے متعلق 2021 کے ہدف کو پورا کرنا ہوگا۔
واضح رہے کہ ملک میں 12 سال سےزائد عمر کے تمام افراد کو کورونا سے بچاو کی ویکسین لگائی جا رہی ہے۔
