آرمی چیف جنرل قمر جاوید باجوہ نے کہا ہے کہ بیرونی مفادات کے تحت غلط معلومات کا پھیلاؤ غلط فہمیاں پیدا کر رہا ہے۔
آرمی چیف قمر جاوید باجوہ کا کہنا ہے کہ بیرونی مفادات کے تحت غلط معلومات کا پھیلاؤغلط فہمیاں پیدا کررہا ہے۔ انہوں نے شر پسند عناصر کے عزائم ناکام بنانے کے لیے اتحاد قائم رکھنے کی ضرورت پر بھی زور دیا۔آئی ایس پی آر کے مطابق آرمی چیف نے کہا کہ تعلیم ، صحت ، انفرا اسٹرکچر، صنعت اور ماحولیات کے شعبے میں ہیومن ریسوسز کی ضرورت ہے۔ آرمی چیف نے کور ہیڈ کوارٹر لاہور کا دورہ کیا جہاں انہیں لاہور کور کی فارمیشن کی آپریشنل تیاریوں اور تربیتی امورپر بریفنگ دی گئی ۔آئی ایس پی آر کے مطابق آرمی چیف سے لاہور کی مختلف جامعات کے وائس چانسلرز ، اساتذہ اور طلبہ نے ملاقات کی۔
