سندھ ہائی کورٹ نے توہینِ الیکشن کمیشن کے نوٹس کے خلاف پی ٹی آئی رہنما اسد عمر کی درخواست کی سماعت کرتے ہوئے الیکشن کمیشن کو ہدایت کی کہ وہ عدالتی فیصلے تک کوئی حتمی حکم جاری نہ کرے۔
دورانِ سماعت درخواست گزار اسد عمر کے وکیل انور منصور ایڈووکیٹ نے عدالت کو بتایا کہ اسد عمر نے الیکشن کمیشن کے سامنے پیش ہو کر جواب جمع کرا دیا، تاہم الیکشن کمیشن نے اسد عمر کا جواب مسترد کر دیا۔
اسد عمر کے وکیل نے مزید بتایا کہ الیکشن کمیشن اسد عمر اور دیگر پر فردِ جرم عائد کرنے جا رہا ہے، الیکشن کمیشن عدالت نہیں جو فردِ جرم عائد کرے۔
عدالت نے ہدایت کی کہ الیکشن کمیشن کارروائی جاری رکھے، تاہم عدالتی فیصلے تک کوئی حتمی حکم جاری نہ کرے۔
عدالتِ عالیہ نے اسد عمر کی درخواست کی مزید سماعت 31 اکتوبر تک ملتوی کر دی۔
