سپریم کورٹ فیصلہ مستردکرنے پرپی ٹی آئی نے وزیراعظم اوروفاقی کابینہ کے خلاف قانونی کارروائی کا آغاز کر دیا ہے۔
تحریک انصاف کے مرکزی سیکرٹری اطلاعات فرخ حبیب نے وفاقی سیکرٹری کابینہ ڈویژن کو خط لکھا ہے جس میں وزیراعظم کی زیرِصدارت وفاقی کابینہ کے اجلاس کی مصدقہ تفصیلات طلب کی گئی ہیں۔
خط میں وفاقی کابینہ کے 4 اپریل کے اجلاس کے شرکاء، ایجنڈے، کارروائی اور فیصلوں کی تفصیلات طلب کی گئی ہیں۔
فرخ حبیب کا کہنا تھا کہ قومی ذرائع ابلاغ نے خبر دی کہ کابینہ نے سپریم کورٹ کا فیصلہ مسترد کردیا ہے،تین رکنی بینچ نے 4 اپریل کو آئینی درخواست نمبر 5/2023 پر اپنا فیصلہ سنایا، دستور شہریوں کو مصدقہ معلومات تک رسائی کا بنیادی حق فراہم کرتا ہے،ان کا کہنا تھا کہ سیکریٹری کابینہ وفاقی کابینہ کے 4 اپریل کے اجلاس کی مصدقہ تفصیلات بلاتاخیر مہیا کریں۔
