مشال ملک نے کہا ہے کہ مقبوضہ کشمیر میں پاکستان کے میچ جیتنے پر جشن منانے نہیں دیا جاتا، پاکستان کی ٹیم بہترین ہے، ان شااللہ میچ جیتے گی۔
وزیراعظم کی معاون خصوصی انسانی حقوق مشال ملک کا میڈیا سے گفتگو کرتے ہوئے کہنا تھا کہ پاکستان اور بھارت کے میچ میں پوری قوم جذباتی ہوتی ہے، پاکستان ٹیم کی جانب سے بھارت کے خلاف میچ جیتنے پر مقبوضہ کشمیر میں جشن منانے نہیں دیا جاتا۔
انھوں نے کہا کہ پاکستان اور بھارت کے درمیان میچ دلچسپ ہوتا ہے، پاکستان کرکٹ ٹیم بہترین ہے،ان شااللہ ٹیم جیت جائے گی۔
معاون خصوصی انسانی حقوق مشال ملک نے کہا کہ ہمیشہ سے بھارت کی جانب سے امن کو خراب کیا گیا ہے۔ آر ایس ایس کی سرکار کشمیریوں کے خون پر بنتی ہے۔
