لاہورپولیس حراست سے فرار سابق انسپکٹر عابدباکسر کو گرفتار کرلیا گیا ، عابدباکسرکیخلاف تین تھانوں میں دہشت گردی سمیت دیگردفعات کےتحت مقدمات درج ہیں۔
تفصیلات کے مطابق سی آئی اے سول لائنز کی ٹیم نے کارروائی کرتے ہوئے سابق انسپکٹر عابد باکسر کو گرفتار کرلیا ، عابد باکسر کو قصور سے گرفتار کیا گیا۔
عابد باکسر کیخلاف تین تھانوں میں دہشتگردی سمیت دیگردفعات کےتحت مقدمات درج ہیں ، پولیس کا کہنا ہے کہ عابد باکسر کو تفتیش کے لیے انوسٹی گیشن ونگ کے حوالہ کردیا گیا ہے۔
بعد ازاں پولیس پرحملے اور بھتہ وصولی کیس میں عابد باکسر کو انسداددہشتگردی عدالت میں پیش کیا گیا ، انسداد دھشت گردی عدالت کی جج عبہر گل خان نے سماعت کی۔
عدالت نے عابد باکسرکو7روزہ جسمانی ریمانڈ پر پولیس کے حوالے کردیا، تھانہ فیصل ٹاؤن نے عابد باکسر اور دیگر کیخلاف مقدمہ درج کر رکھا ہے۔
