اسلام آباد: وزیراعظم شہباز شریف نے نئے سیکرٹری خارجہ کی منظوری دیدی، پاکستان کی یورپی یونین میں موجودہ سفیر آمنہ بلوچ نئی سیکرٹری خارجہ ہوں گی۔
ذرائع کے مطابق یورپی یونین میں سفیر آمنہ بلوچ نئی سیکرٹری خارجہ ہوں گی، ترجمان دفتر خارجہ ممتاز زہرا بلوچ فرانس میں پاکستان کی نئی سفیر ہوں گی۔
جانباز خان برونائی میں پاکستان کے نئے سفیر تعینات ہوں گے، ذرائع کے مطابق محمد سلیم کینیڈا میں پاکستان کے نئے ہائی کمشنر ہوں گے۔ ذرائع کے مطابق ان تقرر و تبادلوں کی وزیراعظم نے منظوری دے دی ہے۔
کویت میں تعینات ملک فاروق ساؤتھ افریقا میں پاکستان کے نئے ہائی کمشنر ہوں گے، ذرائع کے مطابق فیصل نیاز ترمذی بیلجئیم اور یورپی یونین میں نئے سفیر ہوں گے۔
