سیاسی مستقبل کا ابھی کوئی فیصلہ نہیں کیا، ترجمان چوہدری سرور

سابق گورنر پنجاب چوہدری محمد سرور کی جانب سے ن لیگ سے معاملات طے ہوجانے کے حوالے سے خبروں کی وضاحت سامنے آگئی۔

ترجمان چوہدری محمد سرور کا زیر گردش خبروں کے حوالے سے کہنا ہے کہ کہنا ہے سیاسی مستقبل سے متعلق ابھی کوئی فیصلہ نہیں کیا ہے۔

ترجمان نے بتایا کہ چوہدری سرور ساتھیوں سے مشاورت کے بعد کوئی فیصلہ کریں گے۔

واضح رہے کہ ذرائع کا کہنا تھا کہ چوہدری سرور بہت جلد ن لیگ میں شمولیت کا اعلان کریں گے، وہ ن لیگ کے ٹکٹ پر قومی اسمبلی کا انتخاب بھی لڑیں گے۔

ذرائع کا بتانا تھا کہ سابق گورنر لاہور کے علاقہ شاہدرہ کے حلقہ سے انتخاب لڑیں گے، وہ عمرہ ادائیگی کے بعد آج صبح ہی پاکستان پہنچے ہیں۔