محمد عباس کی کاؤنٹی چیمپئن شپ میں شاندار کارکردگی

پاکستان کے فاسٹ بولر محمد عباس نے انگلینڈ میں کھیلی جارہی کاؤنٹی چیمپئن شپ میں ایک اور شاندار کارکردگی کا مظاہرہ کیا ہے۔

کاؤنٹی چیمپئن شپ میں ہمپشائر کی نمائندگی کرتے ہوئے محمد عباس نے گلوسٹرشائر کے خلاف میچ میں 9 وکٹیں اڑا دیں۔

محمد عباس نے دوسری اننگز میں 62 رنز دے کر 3 کھلاڑیوں کو پویلین کی راہ دیکھائی۔

خیال رہے کہ محمد عباس نے میچ کی پہلی اننگز میں 45 رنز کے عوض 6 وکٹیں اپنے نام کی تھیں۔