بسنت منانے کے معاملے پر لاہور ہائی کورٹ نے پنجاب حکومت سے جواب طلب کرلیا۔

لاہور ہائی کورٹ میں حکومت پنجاب کی جانب سے بسنت منانے کے اعلان کے خلاف دی گئی درخواست کی سماعت ہوئی۔ لاہور ہائی کورٹ کے جج جسٹس امین الدین نے صفدر شاہین پیر زادہ ایڈووکیٹ کی درخواست پر کیس کی سماعت کی۔

درخواست گزار صفدر شاہین پیر زادہ ایڈووکیٹ نے عدالت سے استدعا کی کہ وہ حکومت کی جانب سے بسنت کی اجازت دینے کے اقدام کو کالعدم قرار دے۔

عدالت نے پنجاب حکومت اور فریقین کو نوٹس جاری کرتے ہوئے سماعت منگل 15 جنوری تک ملتوی کر دی ہے۔