سابق وزیر اعلی سندھ قائم علی شاہ نیب کے سامنے پیش

سابق وزیراعلیٰ سندھ اور پیپلزپارٹی کے سینئر رہنما قائم علی شاہ نیب میں پیش ہوگئے۔

نیب کی جانب سے جاری اعلامیے کے مطابق قائم علی شاہ آج نیب راولپنڈی میں پیش ہوئے جہاں نیب کی مشترکہ تحقیقاتی ٹیم نے ان سے 40 منٹ تک پوچھ گچھ کی۔

اعلامیے کے مطابق نیب ٹیم نے قائم علی شاہ کو تحریری سوالنامہ بھی دیا ہے جس کے جوابات 10 روز میں دینے کی ہدایت کی گئی ہے۔

نیب کا کہنا ہےکہ نیب ٹیم کو قائم علی شاہ کی جانب سے آج دیے گئے جوابات اور سوالنامے کے جوابات کا جائزہ لیا جائےگا۔

واضح رہے کہ قائم علی شاہ پر دادو شوگر ملز اومنی گروپ کو اونے پونے داموں دینے کا الزام ہے اور انہوں نے گرفتاری سے بچنے کے لیے اسلام آباد ہائیکورٹ سے حفاظتی ضمانت کرا رکھی ہے۔