شیخوپورہ میں مکان کی چھت گرنے سے 3 افراد جاں بحق

شیخوپورہ: خانقاہ ڈوگراں میں مکان کی چھت گرنے سے 3 افراد جاں بحق ہوگئے۔

 گوجرانوالہ روڑ خانقاہ ڈوگراں میں مکان کی چھت گرنے سے ماں باپ اور ان کی ایک بیٹی جاں بحق ہوگئے ہیں۔ اسپتال میں زیرعلاج متاثرہ خاندان کی تین بچیوں کی حالت بھی تشویشناک بتائی جارہی ہے۔

مکان کی چھت گرنے سے ایک ہی خاندان کے چھ افراد ملبے تلے دب گئے تھے جنہیں ریسکیو 1122 کے اہلکاروں نے نکال کر فوری طورپر اسپتال منتقل کیا تھا لیکن  زخموں کی تاب نہ لاتے ہوئے بچی سمیت اس کے والدین جاں بحق ہوگئے۔

جان کی بازی ہارنے والوں میں گھر کا سربراہ حبیب، اس کی اہلیہ اوراس کی ایک بیٹی شامل ہیں۔

اسپتال ذرائع کے مطابق زیرعلاج تینوں بچیوں کی حالت تشویشناک ہے لیکن ڈاکٹر ان کی جان بچانے کے لیے تمام تر ممکنہ کوشش کررہے ہیں۔