دفاعی نمائش آئیڈیاز2018 کا آج تیسرا روز

دفاعی نمائش آئیڈیاز2018 کا آج تیسرا روز ہے، نمائش ایکسپو سینٹر میں منعقد ہو رہی ہے۔

نمائش میں غیر ملکی مندوبین کی پاکستانی ہتھیاروں میں خوب دلچسپی دیکھی جا رہی ہے۔

بدھ کے روز نمائش میں پاکستان نے اپنا تیارکردہ ملٹی رول ڈرون طیارہ ‘براق’ بین الاقوامی مارکیٹ میں متعارف کروایا، وائس چیف آف نیول اسٹاف وائس ایڈمرل کلیم شوکت نے ڈرون کی لانچنگ کا افتتاح کیا۔

بین الاقوامی دفاعی نمائش آئیڈیاز 27سے30نومبر تک ایکسپو سینٹر کراچی میں منعقد کی جا رہی ہے۔

نمائش کے تیسرے روز پاک فضائیہ کے جے ایف 17 تھنڈر اور ایف 16 طیارے سی ویو پر اپنی شاندار فضائی مہارت کا مظاہرہ کریں گے۔

پاک فضائیہ کے شیر دل فارمیشن کے جانباز شام چار بجےفضاؤں میں کرتب دکھائیں گے جسے دیکھنے کے لیے فضائیہ کے اعلیٰ افسران سمیت عوام کی بڑی تعداد موجود ہوگی۔

پاک فضائیہ کے ایئر شو کے لیے سی ویو روڈ، ویلج ہوٹل تک ہر قسم کی ٹریفک کے لیے بند رہے گی۔