لڑکے نے موٹاپے کا مذاق اُڑانے پر لڑکی کو قتل کرکے جلادیا۔

انڈونیشیا میں ایک موٹے لڑکے نے اپنے موٹاپے کا مذاق اُڑانے پر نوجوان پڑوسن کو قتل کردیا۔

غیر ملکی خبر رساں ادارے کے مطابق انڈونیشیا کے ایک گاؤں کے 27 سالہ علی ہیری نامی شخص کو اس کی ساتھی نے موٹا کہا اور اس کا موازنہ پہلوان سے کیا تھا، وزن سے متعلق تذلیل پر لڑکے کو سخت غصہ آیا اور اس نے 18 سالہ روسیدہ کو قتل کردیا۔

پولیس کا کہنا ہے کہ مقتولہ روسیدہ انڈونیشیا کے ایک گاؤں میں مردہ حالت میں پائی گئی تھی، مقتولہ اور ملزم علی ہیری ایک دوسرے کے پڑوسی تھے اور دونوں ایک دوسرے کو کافی سالوں سے جانتے تھے جب کہ دونوں ایک ہی ریسٹورینٹ میں کام بھی کرتے تھے۔

پولیس نے بتایا کہ ایک بزنس مین نے اس شخص سے ہڈیوں کے بدلے موٹرسائیکل اور 300 ڈالرز کی نقد رقم کا وعدہ کیا تھا

مقامی گاؤں کے پولیس چیف نے بتایا کہ مقتولہ روسیدہ نے سب کے سامنے علی ہیری کو موٹا کہنے کے ساتھ ساتھ ان کا موازنہ پہلوان سے کیا تھا اور یہی وجہ تھی کہ ملزم طیش میں آگیا۔

پولیس نے مزید بتایا کہ ملزم ایک ہفتے سے ساتھی لڑکی کو قتل کرنے کا منصوبہ بنا رہا تھا جس کے بعد ایک دن وہ روسیدہ کو موٹرسائیکل پر گھر چھوڑنے کے بہانے ایک ویران جگہ لے گیا جہاں اس نے لڑکی کو قتل کرکے جلادیا۔

پولیس نے لڑکی کے قتل کے الزام میں ملزم کو گرفتار کرلیا۔