پیپلز پارٹی کے رکن سندھ اسمبلی پیر سیدغلام شاھ جیلانی کراچی میں انتقال کرگئے

پیپلز پارٹی کے رکن سندھ اسمبلی پیر سیدغلام شاھ جیلانی کراچی کے ایک نجی اسپتال میں طویل علالت کے بعد انتقال کر گئے۔

مرحوم پیر سید غلام شاھ جیلانی پی ایس 86 جوہی دادو سے رکن صوبائی اسمبلی منتخب ہوئے تھے۔ وہ درگاہ لاہوت لامکان کے جانشین بھی تھے۔

پیر سیدغلام شاہ جیلانی مجموعی طور پر 4 مرتبہ پیپلز پارٹی کے ٹکٹ پر ایم پی اے منتخب ہوئے۔ ان کے انتقال کی اطلاع پر وزیراعلیٰ سندھ سید مراد علی شاہ اور پیپلز پارٹی کے دیگر رہنما کلفٹن میں نجی اسپتال پہنچ گئے۔ مرحوم کی میت نماز جنازہ کے لیے ان کے آبائی گاؤں لے جائی گئی۔