لیاری میں رینجرزکی کارروائی، غفار ذکری گروپ کا اہم کارندہ گرفتار

رینجرز نے لیاری کے علی محمد محلہ میں کارروائی کے دوران گینگ وار غفار ذکری گروپ کے کارندے شہزاد عرف فیضو دادا کو گرفتار کرلیا۔

ترجمان رینجرز کی جانب سے جاری کی گئی پریس ریلیز کے مطابق ملزم شہزاد عرف فیضو ٹارگٹ کلنگ، قانون نافذ کرنے والے اداروں پر حملوں، بھتہ خوری اور دیگر سنگین جرائم میں ملوث ہے۔

ترجمان رینجرز کے مطابق ملزم کے خلاف بغدادی تھانے میں 25 ایف آئی آر درج ہیں۔

ترجمان کے مطابق ملزم کے سر کی قیمت 3 لاکھ روپے مقرر کی گئی تھی۔