ڈی جی نیب کی حسین اصغر کو ڈپٹی چیئرمین نیب مقرر کرنے کی سفارش

چیئرمین نیب جسٹس (ر) جاوید اقبال نے حسین اصغر کو ڈپٹی چیئرمین نیب مقرر کرنے کی سفارش کی ہے جبکہ صدر مملکت سمری کی باضابطہ منظوری دیں گے۔

تفصیلات کے مطابق پولیس گروپ کے گریڈ 22 کے افسر حسین اصغر کو ڈپٹی چیئرمین نیب مقرر کرنے کافیصلہ کیا گیا ہے، چیئرمین نیب کی جانب سے ڈپٹی چیئرمین کی خالی آسامی پر ان کی تقرری کی سفارش کی گئی ہے، صدر مملکت سمری کی باضابطہ منظوری دیں گے۔

حسین اصغر اس سے قبل پنجاب میں اینٹی کرہشن کے سربراہ کے طور پر فرائض سرانجام دے چکے ہیں، حسین اصغر کی اچھی شہرت کے باعث اس عہدے کے لئے ان کے نام کی سفارش کی گئی، آئندہ ہفتے ان کی تقرری کی صدر مملکت کی جانب سے منظوری کا امکان ہے۔