صدر مملکت عارف علوی نے الیکشن کی تاریخ کا فیصلہ کرنے کیلئے چیف الیکشن کمشنر سکندر سلطان راجہ کو آج یا کل مُلاقات کے لیے خط لکھ دیا۔
صدر مملکت عارف علوی نے چیف الیکشن کمشنر سکندر سلطان راجہ کو خط تحریر کیا ہے،صدر نے الیکشن کی تاریخ کا فیصلہ کرنے کیلئے چیف الیکشن کمشنر کو آج یا کل ملاقات کی دعوت دیدی۔
صدر کے خط کے متن میں کہا گیا ہے کہ 9اگست کو وزیراعظم کے مشورے پر قومی اسمبلی تحلیل کی،الیکشن کی تاریخ اسمبلیوں کی تحلیل کی تاریخ سے 90دن سے زیادہ نہیں ہونی چاہئے۔
