آئندہ 24 گھنٹوں کے دوران ملک کے بیشتر مقامات پر بارش کا امکان

آئندہ 24 گھنٹوں کے دوران ملک کے بیشتر مقامات پر بارش کا امکان ہے جبکہ چند علاقوں میں موسم گرم اور مرطوب رہے گا۔

محمکہ موسمیات کے مطابق جمعہ کے روز بالائی پنجاب (راولپنڈی، گوجرانوالہ، لاہور، سرگودھا، فیصل آباد ڈویژن)، ہزارہ ڈویژن، اسلام آباد اور کشمیر میں کہیں کہیں بارش کا امکان ہے۔

جبکہ ژوب، قلات، سکھر، میرپورخاص، ڈی جی خان، ملتان، بہاولپور، ساہیوال، ڈی آئی خان، بنوں، پشاور، کوہاٹ، مالاکنڈ ڈویژن اور گلگت بلتستان میں چند مقامات پر تیزہواوٗں/آندھی اور گرج چمک کے موسلادھار بارش کا بھی امکان ہے۔

گزشتہ روز راولپنڈی، گوجرانوالہ، لاہور، سرگودھا، مالاکنڈ، ہزارہ، ڈی آئی خان، ڈویژن، اسلام آباد اور کشمیر میں اکثر جبکہ ملتان، ڈی جی خان، بہاولپور، قلات اور ژوب ڈویژن میں کہیں کہیں تیزہواوٗں اور گرج چمک کے ساتھ بارش ہوئی۔