ایل پی جی کی قیمت میں بڑا اضافہ

مہنگائی سے پریشان عوام کے لیے برُی خبر آگئی  سوئی گیس کی قیمتوں کے بعد ایل پی جی بھی مہنگی ہو گئی۔

تفصیلات کے مطابق مہنگائی کی چکی میں پسے عوام پر مزید بوجھ ڈال دیا گیا۔ ایل پی جی فی کلو قیمت میں 23 روپے 86 پیسے کا بڑا اضافہ کر دیا گیا۔

ایل پی جی فی کلو قیمت 201 روپے 15 پیسے مقرر کر دی گئی۔ ایل پی جی کی جولائی میں فی کلو قیمت 177.29روپے تھی۔

اوگرا نے 11.8 کلو سلنڈر کی قیمت میں 281.51 روپے اضافہ کر دیا ہے جس کے بعد ایل پی جی کی 11.8 کلو سلنڈر کی نئی قیمت 2373.64 مقرر کر دی گئی ہے۔