سعودی عرب میں گرمی کی شدت میں اضافہ، عازمینِ حج سے احتیاط کی اپیل

سعودی عرب نے خبردار کیا ہے کہ اس سال حج کے دنوں میں گرمی کی شدت معمول سے زیادہ ہو گی، عازمین حج گرمی سے بچاؤ کے لیے خود کو تیار رکھیں۔

ڈی جی حج مشن پاکستان عبدالوہاب سومرو نے کہا ہے کہ حجاج کرام زیادہ درجہ حرارت کے باعث زیادہ پانی پی کر ہائیڈریشن کو برقرار رکھیں۔

عبدالوہاب سومرو نے کہا ہے کہ حجاج کرام کیفین اور شکر والے مشروبات کے زیادہ استعمال سے گریز کریں اور عازمینِ حج ماسک، چھتری اور دھوپ کی عینک استعمال کریں۔

 دوسری جانب عرفات میں درجہ حرارت کم رکھنے کیلئے سڑکوں پر سفید رنگ کردیا گیا ہے۔