کراچی سندھ حکومت نے محکمہ اوقاف کی تمام پراپرٹی کی سب لیز پر پابندی عائد کرنے کا فیصلہ کرلیا اور محکمہ اوقاف کی پراپرٹی کے ریٹ کا جائزہ لینے کیلئے کمیٹی تشکیل دے دی۔
تفصیلات کے مطابق وزیر قانون و اوقاف عمر سومروکی زیرصدارت محکمہ اوقاف کا اجلاس ہوا، سندھ حکومت نے محکمہ اوقاف کی تمام پراپرٹی کی سب لیز پر پابندی عائد کرنے کا فیصلہ
کرلیا۔
وزیر قانون عمر سومرو نے ہدایت کی کہ محکمہ اوقاف کی پراپرٹی کی سب لیز پر پابندی لگائی جائے۔
اجلاس میں صوبے بھر میں محکمہ اوقاف کی پراپرٹی کے ریٹ کا جائزہ لینے کیلئے کمیٹی تشکیل دے دی گئی ، عمر سومرو نے کہا کہ کمیٹی 10روزمیں محکمہ اوقاف کی پراپرٹی کے کرایوں کا جائزہ لیکر رپورٹ پیش کرے گی۔
اجلاس میں فیصلہ کیا گیا کہ کمیٹی یہ بھی جائزہ لے گی کے محکمہ اوقاف کی تمام پراپرٹی کا نیا ریٹ کتنا ہونا چاہیے۔
