لاس اینجلس کی آگ نے بہت سی المناک کہانیاں اپنے پیچھے چھوڑ دی ہیں۔ اس آگ میں ایک آسٹریلوی اداکار بھی 32 سال کی عمر میں موت کے منہ میں چلا گیا۔ اس کی والدہ نے ان مشکل لمحات کے بارے میں ایک “مضبوط” پیغام دیا ہے۔ یہ وہ لمحات تھے جب وہ اسے بچانے کے لیے کوشش کر رہی تھیں۔
سابق آسٹریلوی سٹار روری سائکس 1990 کی دہائی میں برطانوی پروگرام “کڈی کیپرز” میں بچپن میں مشہور ہوئے تھے۔ “سیلیبرٹی سٹی” میں لگنے والی آگ کے بعد وہ اپنی جھونپڑی میں دم گھٹنے سے ہلاک ہو گئے۔ دماغی فالج کے ساتھ رہنے والے اداکار کی والدہ شیلی سائکس نے سوشل میڈیا پر ان کی موت کی خبر کا اعلان کرتے ہوئے لکھا کہ یہ انتہائی دکھ کے ساتھ ہے کہ مجھے مالبو کی آگ میں اپنے خوبصورت بیٹے روری سائکس کی موت کا اعلان کر رہی ہوں۔ میرا دل بالکل ٹوٹ گیا ہے۔
شیلی نے یہ بھی انکشاف کیا کہ اس کا بیٹا مالبو میں خاندان کی 17 ایکڑ جائیداد پر اس وقت اپنے کیبن میں مر گیا جب اس کے کیبن کی چھت پر لگی آگ کو پانی کے پائپ سے بجھانے کی کوششیں ناکام ہو گئیں۔ اس کی وجہ یہ تھی کہ پانی کاٹ دیا گیا تھا۔ شیلی نے وضاحت کی کہ وہ روری سائیکس کو اس کے جلتے ہوئے گھر سے باہر نہیں نکال سکی کیونکہ اس کی صحت کی وجہ سے اسے چلنے میں دشواری کا سامنا ہے۔ اس کے علاوہ اس کا بازو بھی ٹوٹا ہوا تھا۔ 911 پر کال کرنے میں ناکام ہونے کے بعد میں مقامی فائر سٹیشن پر پہنچی لیکن جب میں مدد کے لیے واپس آئی تب تک بہت دیر ہو چکی تھی اور روری کی موت کاربن مونو آکسائیڈ کے زہر سے ہو چکی تھی۔
ماں مجھے چھوڑ دو
ماں نے اپنے بیٹے کے ساتھ اپنے آخری لمحات کو یاد کیا اور روتے ہوئے بتایا کہ اس نے مجھے کہا ’’ماں، مجھے چھوڑ دو‘‘ انہوں نے کہا ’’ایک ماں اپنے بچے کو نہیں چھوڑ سکتی ہے؟‘‘ ۔ دلوں کو افسردہ کردینے والے بیان میں انہوں نے مزید کہا “اس نے اپنی بینائی اور چلنے کی صلاحیت کو دوبارہ حاصل کرنے کے لیے بہت ساری سرجریاں کرائیں اور درد کے باوجود علاج پر قابو پالیا تھا۔ وہ اب بھی میرے ساتھ افریقہ سے انٹارکٹیکا تک دنیا بھر کا سفر کرنے کے لیے پرجوش تھا۔
ماں نے بتایا کہ روری نے ضرورت مندوں کی مدد کے لیے ہیپی چیریٹی کی بنیاد رکھی تھی۔ وہ آٹھ سال کی عمر میں ایک متاثر کن مقرر تھا۔ یاد رہے لاس اینجلس میں آگ گزشتہ منگل کو لگی تھی اور اس نے پالیسیڈس اور مالیبو کے درمیان 21,000 ایکڑ رقبے کو لپیٹ میں لے لیا ہے۔ پانچ ہزار سے زیادہ عمارتوں کو بھی نقصان پہنچایا ہے۔ آگ کے نتیجے میں ہلاکتوں کی تعداد 16 ہوگئی ہے۔