پاکستان اسٹاک ایکسچینج میں آج ہفتے کے دوسرے دن مندی کا رجحان ہے ۔ کاروبار کے آغاز میں 100 انڈیکس میں 170پوائنٹس کمی سے انڈیکس 35ہزار کی نفسیاتی حد کھو بیٹھا اورکرنٹ انڈیکس 34ہزار 991 پوائنٹس پر چلا گیا۔
تاہم اس وقت پاکستان اسٹاک ایکسچینج میں 100انڈکس 136عشاریہ 29 پوائنٹس کی کمی کے ساتھ 35 ہزار 32 پوائنٹس پر ٹریڈ کررہا ہے ۔
واضح رہے گزشتہ روزپاکستان اسٹاک ایکسچینج کاروبارمنفی رجحان کے ساتھ بند ہوا۔ کاروبار کے دوران 100 انڈیکس میں 404 پوائنٹس کی کمی ریکارڈ کی گئی ۔100 انڈیکس 35ہزار 168 کی سطح پر بند ہوا ۔ ایک دن میں 100 انڈیکس میں 1.15 فیصد کمی ریکارڈ کی گئی ۔
پاکستان اسٹاک ایکسچینج میں گزشتہ روز کاروباری ہفتے کا آغاز معمولی مثبت رجحان سے ہوا ۔ کاروبار کے آغاز پر 100 انڈیکس 51عشاریہ 95پوائنٹس اضافےکے بعد کرنٹ انڈیکس 35 ہزار 521 پوائنٹس کی سطح پر تھا۔
مارکیٹ ذرائع کا کہنا ہے کہ گزشتہ روز شئیرز کی قیمت کم ہونے سے سرمایہ کاروں کو65 ارب روپے کا نقصان ہوا۔
