چین نے مشرق وسطیٰ میں جاری جنگ کے دوران ایران، اردن، لبنان اور عراق کے لیے ہنگامی انسانی امداد فراہم کرنے کا اعلان کر دیا ہے، جس کا مقصد متاثرہ آبادی کو فوری ریلیف فراہم کرنا ہے۔
چینی وزارت خارجہ کے مطابق اس امداد کا بنیادی مقصد جنگ سے متاثرہ عوام کی مشکلات کو کم کرنا ہے، جبکہ چین نے خطے میں بڑھتے ہوئے انسانی بحران پر گہری تشویش کا اظہار کرتے ہوئے متاثرین کے ساتھ ہمدردی کا اظہار بھی کیا ہے۔
وزارت خارجہ کی جانب سے جاری بیان میں کہا گیا ہے کہ چین خطے میں جنگ بندی کے قیام اور امن کے فروغ کے لیے اپنی کوششیں جاری رکھے گا، اور موجودہ انسانی صورتحال کو عالمی سطح پر ترجیح دی جانی چاہیے۔
بیان میں مزید کہا گیا کہ خطے میں جاری تنازعات کے حل کے لیے مذاکرات اور سفارتکاری ہی واحد مؤثر راستہ ہیں، اور عالمی برادری کو اس سمت میں مشترکہ اقدامات کرنے کی ضرورت ہے۔
